Title Image

Azken proiektuak

Arizmendi Ikastola_Gizabidea
 

Arizmendi Ikastolaren hezkuntza proiektua eta birgaitze energetikoa

Arizmendi Ikastolak urteak daramatza eraldaketa prozesu sakon batean murgildurik. Besteren artean, hezkuntza proiektua gaurkotzeko lanean dabil Torrebaso 2030 ekinbidearen bidez, egungo gizarteko konplexutasunei erantzun egokiak emango dizkieten eta gizarte erronkekin (trantsizio energetikoa, mugikortasun iraunkorra, tokiko elikadura…) konprometiturik jardungo duten pertsona euskaldun eta kooperatiboak hezi guran. Ekimen honekin, Almen Gunea etorkizuneko gizarte iraunkorra irudikatu eta eraikitzeko esperimentazio gune bihurtuko da. Bestetik, eraikinaren birgaitze energetikoan sakontzeko konpromisoa hartu berri du. Eta horretan ere lagunduko du Gizabidea Fundazioak. Hain zuzen ere, 1,5 milioi euroko ekarpena du hitzarturik bi zeregin horietarako.

 

 

 

HIREKIN berrikuntza eta ekintzailetza gunea

Lurraldeko industriaren eraldaketa bultzatu gura du Mondragon Goie Eskola Politeknikoarena (MGEP) den HIREKIN berrikuntza eta ekintzailetza guneak, industria digital, deskarbonizatu eta zirkular bateranzko bidean. Horretarako, tartean, lurraldeko berrikuntza-ekosistema konektatzea eta enpresetan barne-ekintzailetza bultzatzea bilatuko lituzke, beharrezko liratekeen azpiegiturak eta zerbitzuak eskainiz. 2 milioi euroko ekarpena egingo dio Fagor Taldeak, Gizabidea Fundazioaren bidez. 

HIREKIN-MGEP-GIZABIDEA

HUHEZIren Dorleta eraikinaren eraberritzea

HUHEZI-ren Eskoriatzako Fakultatean dagoen Dorleta eraikinaren eraberritzearen barruan, 1.800 m2-ko eraikin berri bat egin da, solairu bakarrean. Bertan egongo dira, besteak beste, 140 pertsona hartzeko egokitutako erabilera anitzeko aretoak eta KoLAB laborategia, hots, Humanitate eta Hezkuntza Zientzien Fakultateak gizarte digitalaren testuinguruan bultzatuko duen hezkuntza berrikuntzarako zentro berria. Ikertzeko, esperimentatzeko, ezagutza sortzeko eta transferitzeko topagunea izango da KoLAB, gizarte digitalean hezkuntzaren gaitasun eraldatzailea bultzatu guran. Fagor Taldeak, Gizabidea Fundazioaren bidez, milioi bat euro bideratzeko konpromisoa du hartua, proiektua aurrera eroateko HUHEZIrekin sinaturiko hitzarmenaren markoan.

Mondragon Goi Eskola Politeknikoaren 11. Eraikina

Garaia Berrikuntza Gunean dago, 13.000 m2-ko azalerarekin. Proiektuaren osagarri diren lau jarduera-esparru uztartzen ditu: ikerketarako jarduerak eta laborategiak; transferentzia teknologikoko eta berrikuntzako proiektuak; aholkularitzako eta ingeniaritzako jarduerak; eta oinarri teknologikoa duten enpresa berriak sustatzeko arloa. 3,8 milioi euroko ekarpen finantziarioa egin dio Gizabidea Fundazioak egitasmoari.

Mondragon Goi Eskola Politeknikoaren 11. Eraikina

Garaia Berrikuntza Gunean kokatua dago, 13.000 koadroko azalera hartuz. Proiektuak osagarriak diren lau jarduera-esparru uztartuko ditu; ikerketarako jarduerak eta laborategiak; transferentzia teknologikoko eta berrikuntzako proiektuak; aholkularitzako eta ingeniaritzako jarduerak; eta oinarri teknologikoa duten enpresa berriak sustatzeko arloa.

HUHEZI Aretxabaletako eraikina

2013. urtean inauguratu zen, Aretxabaletan (Gipuzkoa). Ikus-Entzunezko Komunikazioko ikasketak ematen dira, baita beste zenbait Aditu Titulu eta ikastaro ere. Instalazio guztiak ikasketa guztiz praktikoak izateko egokituta daude. Eraikinak baditu hiru solairu eta 2.700 metro koadro erabilgarri.